Біз туралы

«Астана Тазалық» ЖШС – Астана қаласының санитариялық тазалығы мен абаттандырылуын қамтамасыз ететін жетекші коммуналдық кәсіпорындардың бірі.

Кәсіпорын қала көшелері, магистральды жолдар, тротуарлар, алаңдар және қоғамдық кеңістіктерді қолмен және механикаландырылған тәсілмен тазалау жұмыстарын жүзеге асырады. Сонымен қатар, көктемгі су тасқынының алдын алу іс-шараларын жүргізіп, елорданың санитариялық жағдайын тұрақты бақылауда ұстайды.

Бүгінде кәсіпорын Астананың Алматы, Есіл, Нұра, Сарыарқа, Сарайшық және Байқоңыр аудандарындағы 14,5 миллион шаршы метрден астам аумаққа қызмет көрсетеді. Заманауи 500-ден астам арнайы техника паркі мен тәжірибелі мамандардың үйлесімді еңбегінің арқасында жұмыстар жыл бойы, кез келген ауа райы жағдайында үздіксіз жүргізіледі.

Кәсіпорын қызметінің басты мақсаты – елорда тұрғындары мен қонақтары үшін қауіпсіз, таза әрі жайлы қалалық ортаны қалыптастыру. Осы мақсатқа жету жолында компания өндірістік үдерістерді цифрландыруды дамытып, арнайы техниканың қозғалысын GPS жүйесі арқылы бақылап, жұмыстың ашықтығы мен тиімділігін қамтамасыз етеді.

Біздің құндылықтарымыз:

• қызметкерлерге және олардың әл-ауқатына қамқорлық;

• кәсібилік пен жоғары сапа стандарттары;

• ашықтық пен жариялылық;

• қоғам алдындағы жауапкершілік;

• сыбайлас жемқорлыққа мүлдем төзбеушілік.

«Астана Тазалық» ЖШС – қаланың тазалығы мен экологиялық мәдениетін қалыптастыруға күн сайын үлес қосып, Астананың көркейіп, тұрақты дамуына қызмет ететін сенімді коммуналдық кәсіпорын.